Монгол үндэсний өв уламжлалаа дээдлэн хөгжүүлэх, уламжлалт тоглоом, шагайн наадгайг ард иргэд, хүүхэд залууст таниулан суртачилах, иргэдийн чөлөөт цагийг зөв боловсон өнгөрөөх, багаар ажиллах чадварыг нэмэгдүүлэх зорилгоор Баг, албан байгууллага, хамт олны дунд "Монгол наадгай 2015" тэмцээнийг XVII дугаар жарны “Галзууруулагч” хэмээгч модон хонин жилийн хаврын тэргүүн Өлзийт шар барс сарын шинийн тавны цагаан морь өдөр буюу 2015 оны 02 дугаар сарын 23-ны өдөр зохион байгуулав.
“Монгол наадгай 2015” наадамд Сумын ЕБС, “Монгол наадгай 2015” наадамд
Сумын ЕБС, Хүүхдийн цэцэрлэг, Халив баг, Агаруут баг, ЗХ-ны 090-р анги,
Ахмадын баг, “Шинэ өглөө” бүлгээс нэг нийт 7 баг оролцов. Баг тус бүр 8
хүнтэй оролцож нийт 56 хүн оролцов.
Шүүгчээр Сумын ИТХ-ын дарга Н.Энхцэцэг, хурлын тэргүүлэгч П.Сайнбуян,
Ч.Энхжин нар ажиллав.
Хөтлөгчөөр Соёлын төвийн эрхлэгч Б.Дулмаа, Т.Одхишигт нар ажиллав.Тэмцээний дүнг гаргахад Хонь буусан шагай, Хундан цагаан багууд оноо тэнцсэн тул тус багийн нэг гишүүн дуугуй долоо тоглон Хонь буусан шагай багийн гишүүн Ц.Баттулга хожсоноор Хонь буусан шагай баг тэргүүн байр эзлэж Өргөмжлөл 500000 төгрөгөөр, Хундан цагаан баг дэд байр эзлэж Өргөмжлөл 250000 төгрөгөөр, Шинэ өглөө баг 3 дугаар байр эзэлж Өргөмжлөл, 100000 төгрөгөөр тус тус шагнуулав. Үзэгчдийн дунд бодлогот тоглоом, Оньсого, эвлүүлэх тоглоомоор тэмцээн явуулахад 5-р багийн иргэн С.Болортуяа, Б.Отгонжаргал, Ч.Ариунчимэг нар түрүүлж тус бүр 10000 төгрөгөөр шагнуулав.
