Анхдугаар хуралдаанаас гарсан шийдвэрүүд:
. Сумын ИТХ-ын 21 төлөөлөгчийн бүрэн эрхийг зөвшөөрөв.
2. Сумын ИТХ-ын бүрэн эрхийн хугацаанд мөрдөх дэгийг хэлэлцэн 5 бүлэг 23 зүйлт заалттайгаар батлав.
3.Сумын ИТХ-ын 3 дугаар тойргоос сонгогдсон төлөөлөгч Буджавын Билэгбаярыг хуралдаанд оролцогчдын 76,2 хувийн саналаар сумын Иргэдийн Төлөөлөгчдийн Хурлын даргаар сонгов.
4. Аймгийн ИТХ-ын төлөөлөгчөөр сонгогдсон Найданжавын Наранмөнхийг хуралдаанд оролцсон төлөөлөгчдийн 66,6 хувийн саналаар Хатанбулаг сумын Засаг даргад нэр дэвшүүлж, аймгийн Засаг даргад уламжлав.
5. Сумын ИТХ-ын Зөвлөлийг хурлын дарга Б.Билэгбаяраар ахлуулан гишүүдэд Б.Отгон, Ц.Баттулга, Б.Оргодол, Ё.Тэгшжаргал, А.Тогтохбаяр, Ө.Мөнгөнхөлөг нарын бүрэлдэхүүнтэйгээр 1 жилийн хугацаагаар байгуулав.
6. Сумын ИТХ-ын дэргэд 1.Төрийн байгуулалт, хууль зүй, хүний эрхийн асуудал хариуцсан хороо, 2.Төсөв санхүү, өмч хөрөнгө, үйлдвэрлэл үйлчилгээ хариуцсан хороо, 3.Хөдөлмөр,нийгмийн халамж, боловсрол, соёл, эрүүл мэндийн асуудал хариуцсан хороо, 4.Хөдөө аж ахуй, байгаль орчны асуудал хариуцсан хороо гэсэн 4 хороо байгуулж бүрэлдэхүүнийг томилов.
