2019 онд Шилэн дансны хуулийн хэрэгжилтэнд хөндлөнгийн хяналт хийх ажлын хэсгийг  Иргэдийн Төлөөлөгчдийн Хурлын даргын 2019 оны  3/02 дугаар захирамжаар Хурлын нарийн бичгийн даргаар ахлуулан  хурлын төлөөлөгч, тэргүүлэгч, 3, 5, 6 дугаар багийн ИНХ-ын дарга нарыг хамруулсан 7 хүний бүрэлдэхүүнтэйгээр  томилж  улирал бүр  хөндлөнгийн  хяналт шалгалт  хийж байхаар тогтоосон. 

Энэхүү захирамжийн дагуу 04 дүгээр сарын 08-09–ны өдрүүдэд сумын Төсөвт байгууллагуудын шилэн дансны үйл  ажиллагааг шалгав. Шалгалтанд Сумын ИТХ, ЗДТГ, Ерөнхий боловсролын сургууль, Эрүүл мэндийн төв, Цэцэрлэг, Соёлын төв, Зэвсэгт хүчний 090-р анги, Хилийн Цэргийн 0168-р анги гэсэн 8 байгууллага хамрагдав. Сумын Төсвийн Ерөнхийлөн захирагчийн шилэн дансны мэдээллийг мөн шалгалаа.