Сумын Иргэдийн Төлөөлөгчдийн ээлжит бус  хурал 2019 оны 03 сарын 29-ны өдөр хуралдлаа. Тус хурлаар сумын ИТХ-ын 2017 оны 09 сарын 12-ны өдрийн хуралдааны 24/01 дүгээр тогтоолоор Орон нутгийн тусгай хэрэгцээнд авсан Эргэл Халивын өргөтгөл газраас зарим газрыг чөлөөлөх тухай асуудлыг хэлэлцэв. Орон нутгийн тусгай хэрэгцээнд авсан Эргэл Халивын өргөтгөл  74347,64 га газраас 25087,23 га газрыг хэвээр үлдээж, үлдсэн 49260,41 га газрыг орон нутгийн тусгай хэрэгцээнээс чөлөөллөө. Тусгай хэрэгцээнээс газрыг чөлөөлөх болсон шалтгаан нь тус газар дээр 2018 оны сүүлээр хайгуулын үйл ажиллагаа явуулж улмаар хүрэн нүүрсний орд илэрч цаашид Ашиглалтын үйл ажиллагаа явуулах  зөвшөөрлийг авахад  тус талбай нь орон нутгийн тусгай хэрэгцээнд авсан газартай давхцаж байсан тул яаралтай чөлөөлж өгөх  хүсэлтийг "ВОЛЬФ РЕСУРС" ХХК-аас сумын Засаг дарга,Сумын ИТХ-ын дарга нарт ирүүлсэн байна. Энэ хүсэлтийн дагуу сумын Засаг даргаас энэхүү асуудлыг хурлаар хэлэлцүүлэхээр саналыг оруулсан.

Тус хуралд хурлын 13 төлөөлөгч, Төрийн бус байгууллагын 2 төлөөлөл, Вольф ресурс" ХХК-ны төслийн удирдагч Гантулга, Ахлах геологич Баасанжаргал, Аймгийн Орон нутгийн өмчийг төлөөлж компаний ТУЗ-ийн гишүүн А.Амгаланзаяа нар оролцов.